VANDAG IS ANDERS

Skrywer Marize Hayes

Dit was 'n sonskyn dag en iewers tussen kamera's en wit lappe het ek myself weer gevind in die stilte van elke glimlag. Ek wou nog altyd staar in die diepte  en weet dis deel van die groter prentjie. Ek wou nog altyd glo dat eendag vandag is en dat more my nie mag terug hou nie. Ek is stil en vertrou dat God my verstaan maar steeds... Vandag is anders. Vandag is iets waaroor ek wonder en ek wens jy kon verstaan hoe ek voel. Ek wens jy kon glo dat jy goed genoeg is. Dan proe ek die bitter swart koffie en ek weet Vandag is slegs dag 1. Ek luister na die groet stem van 'n vreemdeling en ek hoor die hello van iemand wat nooit weer my vertroue sal wen nie. Sal die heelal ooit tevrede wees met wie ek VANDAG is.  Sal nommers ALTYD ouer word en sal die wind my weer kom haal en veilig vat na die mense wat my verstaan. Ek sit en drink nou my koppie koffie en ek staar inverwondering na gelowiges so klein gelowig. Die wete dat ek ook soms bang is, bang vir opgee dat ek dit eder nooit doen nie. Ek hou so maklik vas aan wat kan wees dat ek eder my blind hou vir God se plan. Ek wonder te veel oor ander se drome dat ek my eie menswees prys gee. Ek is nie volmaak nie, maar ek strewe na meer as net "As ek eendag oud is" .

"GOD HET MY NIE GEROEP OM IN TE PAS NIE!"
Agter elke toe deur elke aand is daar woorde wat vlieg, soos die van skinder liefhebbers, soos die van die nagmaal, soos die van die tronk tralies en dan soos die van Die Bybel. God sal altyd verstaan ten spyte van jou trane, ten spyte van jou woorde wat min word en jou pienk wangetjies wat jammer voel vir wie jy is. Ten spyte van elke dag se wit leuntjie SAL GOD VANDAG DAAR WEES, Hy is altyd daar. Ek bly tog net mens en my stories verlore tussen die huisloses en die kastele. 


VANDAG is my huislose dag tussen die kastele van my God se Koninkryk. Hoe sal jy ooit verstaan wat ek verduidelik as my woorde so teen die grens van armoede le. Dit alles raak minder, en dan raak God se liefde meer as genoeg om te verstaan waarom my woordeboek nog nooit stil geword het nie. God gee om of dit goed gaan en of dit vandag voel soos jou laaste, of jy hartseer of baie bly is, God gee altyd om.

Jy is nie net nog 'n mens in VANDAG se leefstyl nie. Jy is waardevol en vandag se kind. Jou Konings glimlag is goed genoeg om VANDAG te verander. Wees jouself en weet jou hart is God se huis.